பஞ்சாப் ரசகுல்லா டாப்ஸி பன்னு. இப்போது தென்னிந்திய சினிமாவின் ஸ்வீட் பன்னு. சாப்ட்வேர் என்ஜினீயரான டாப்சி அழகிப் போட்டி ஒன்றில் டைட்டில் பெற தெலுங்கு படத்தில் அறிமுகமானார். ஆடுகளத்தில் நடிக்க த்ரிஷா தயங்க வெற்றிமாறன் டாப்ஸி அழைத்து வந்து வெள்ளாவி தேவதையாக்கினார். இப்போது டாப்ஸி தமிழ், தெலுங்கு, இந்தியில் ரொம்ப பிசி. தமிழில் அஜீத்துடன் வலை, ராகவா லாரன்சுடன் முனி&3, மறந்தேன் மன்னித்தேன், தெலுங்கில் ஷேடோஸ். ஜாக்பாட், குண்டலா கோதவரி, இந்தியில் சஸ்மே படோர் என ரவுண்டு கட்டி நடித்து வருகிறார். அக்காவின் வளர்ச்சியை பார்த்த தங்கை ஷாகுனுக்கும் நடிக்கும் ஆசை வந்து விட்டது. அவரும் தான் பார்த்து வந்த சாப்ட்வேர் வேலையை உதறித் தள்ளிவிட்டு அக்காவுடன் பொது நிகழ்ச்சிகளுக்கு கலக்கலாக வருவது, விதவிதமான போட்டோக்கள் எடுத்து இணைய தளத்தில் விடுவது என்ற நடிப்புக்கான வேலையில் இறங்கி விட்டார். அக்காவைப் போலவே தங்கையும் விரைவில் தெலுங்கு படம் ஒன்றில் அறிமுகமாகிறார். இதுகுறித்து டாப்ஸி கூறும்போது, ஷாகுன் என்னை விட அழகானவள். அவளுக்கு சினிமாவில் நடிக்க வேண்டும் என்ற ஆசை வந்து விட்டது. வீட்டிலும் ஓகே சொல்லிவிட்டார்கள். அவள் நடிக்க வந்தாலும் எனக்கு போட்டியாக வந்தாலும் நான் கவலைப்பட மாட்டேன் என்கிறார். கவுதம் மேனன் தான் இயக்கப்போகும் அடுத்த படத்தில் ஷாகுனை நடிக்க வைக்கலாம் என்றும், வெற்றிமாறன் இயக்கும் அடுத்த தனுஷ் படத்தில் ஷாகுன் ஹீரோயின் ஆகலாம் என்றும் சொல்கிறார்கள்
கருத்துகள் இல்லை:
கருத்துரையிடுக
குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.