ஜில்லா படத்தில் நடிக்க வைக்க, காஜல் அகர்வாலுக்கு விஜய் சிபாரிசு செய்ததாக கூறப்படுகிறது. விஜய்யுடன் துப்பாக்கி படத்தில் நடித்தார் காஜல் அகர்வால். இந்த படம் கடந்த தீபாவளிக்கு ரிலீசானது. இந்நிலையில் விஜய் நடிக்கும் ஜில்லா படத்தை நேசன் இயக்குகிறார். இப்படத்திலும் ஹீரோயினாக காஜல் அகர்வால் நடிக்கிறார். சமீபகாலமாக முன்னணி ஹீரோக்கள், ஒரே ஹீரோயினை தங்கள் படங்களில் தொடர்வதை விரும்புவதில்லை. ஒரே ஜோடியை ரசிகர்கள் தொடர்ந்து பார்த்தால் போர் ஆகிவிடுவார்கள் என்பதே காரணம். வேலாயுதம் படத்திலிருந்து விஜய்யும் இந்த பார்முலாவையே பின்பற்றி வந்தார். ஆனால் இப்போது அந்த பார்முலாவை உடைக்கும் விதமாக காஜல் அகர்வாலை தனது படத்துக்கு தேர்வு செய்திருக்கிறார். இதற்கு அவர்கள் இடையிலான நட்புதான் காரணம் என திரையுலகினர் கூறுகின்றனர். துப்பாக்கி படத்தில் நடித்தபோது, காஜல் அகர்வாலின் துரு துரு நடவடிக்கைகள் விஜய்யை கவர்ந்துவிட்டதாம். அத்துடன் அவர் விஜய் மற்றும் அவரது குடும்பத்தாருடன் நட்பாக பழகினாராம். இந்த காரணங்களாலே அவருக்கு மீண்டும் வாய்ப்பு கிடைத்திருப்பதாக கூறப்படுகிறது. இதற்கு முன் ஒரு கட்டத்தில் விஜய்யின் படங்களில் தொடர்ந்து த்ரிஷா நடித்து வந்தது குறிப்பிடத்தக்கது.
கருத்துகள் இல்லை:
கருத்துரையிடுக
குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.